Paris oþþe Parisiace is burg in Francland. Hit is Frencisc hēafodburg. His ealda nama under þǣm Rōmāniscan Rīce ƿæs Lutetia. Þǣr oneardiaþ 2,166,200 lēoda.
Þǣr sindon tācnu unlǣre ƿununge binnan þǣm lande Parises þisra daga fram oþþe þǣm 4000. oþþe þǣm 3800. gēare fore Crīste. Hī sindon þā lāfa þreora æscincla þā ƿǣron gefunden nēah þǣre Sigene on þǣm 12. dǣle Parises, and man cann hī nū on Cranfaletstǣrhūse sēon.
Ac þæt stǣr þæs landscipes Parises nis ƿel gecūþ ōþ þā Gallrōmāniscan yldo. Þā Parisingas, ān 98 Gallia þēoda, ƿunodon þǣr on þǣm 52. gēare fore Crīste, and þonne hī ƿǣron oferdrifen fram þǣm Rōmānum. Ƿē niton eallrihte þā mearce þǣre Galliscan byrig. Sēo Rōmānisce burg hātte Lutetia.
Lutetia næs sƿīðe grēat Gallrōmānisc burg, forþǣm hēo hæfde ēaðe efne oþþe fīđ oþþe six þūsenda manna þǣr hēo mǣst ƿæs. And Lugdunum hæfde geƿēne oþþe 50 000 oþþe 60 000 inƿunienda on þǣm 2. hundredgēare.
Saga secgaþ þe sēo burg ƿæs gecrīstnod fram Denise Hālgan, þe ƿæs gemartyrod ymb þǣt 250. gēar.
Se fæsta stede Lutetie drēag ēac grēata infara, and ƿæs se hām Iulianes Cāseres betƿeox þǣm 357. gēare and þǣm 360., and þonne Ualentinianes I Cāseres under þǣm 365. gēare and þǣm 366. Sēo burg ƿearþ Paris gehāten under þisse ildo. On þǣm 451. gēare, Sancte Genouefa oferreahte þā lēode Parises þæt hī ne flēon þā Hūnas, þe lætemest abugon lēas feohtes.
On þǣm 508. gēare, Hloþƿig ƿende Paris on his hēafodburg siþþan hē oferƿann þone mǣstan dǣl Gallia. Hē staðolode his hēafodlicne hām, and ēac sumu godcund bold. Geond þæt 6. hundredgēare and þæt 7. ƿæs Paris ƿel hefig, þēah þe sēo tōdǣlung Hlōþƿiges rīces betƿeox his cildrum gelytlode þne hefe Parises be dǣle. For þām timbrode Cildebert I þā mǣstan hēafodcirican Gallia; þæs ƿæs Sanct Stephanus Hēafodcirice. Cildebert II timbrode eft þā Gallrōmāniscan hringsetu. Under þissum tīman
